DEPARTMENT OF YOUTH MINISTRY

WSBAK LHOTHEMI PHAH

Lhothemi Phah

Hukuthu tsa:

WSBAK Lhothemi Phah ye Kulolau Sümi Baptist Akukuhou qholo Lhothemi qo kümtsü pelo ashi-aghungu xülo azuwu hawo apenikeu ghenguno Akukuhou eno Lhothemi Sakiphemi qo sasü kütshü-kime mula acheni. NBCC Lhothemi Phah dolo WSBAK Lhothemi Phah ghi shiyeh gholo akimchi lakhi shi kihi eno gihu ghi mla acheni.

LHOTHEMI PHAH LO AMPEMIQO 

Youth Consultation, Jan 26, 2016

Youth Consultation, Jan 26, 2016

Rev. Ikuto Jimo, Secy. Youth Deptt.

Ino N. Suhuto Chishi, Youth Evangelist.

AKIMCHI KÜPÜGHÜ JELI SHI IGHILU & KIBE MLA AKEQO

  1. WSBAK YOUTH CONFERENCE

68-U Lhothemi mpe tsü hoho ye Luuhqhi 9-11, 2015 Pihekhu B.A lono “Ishi Lhothemi Khhü akeu” no akimji shino kuholu. Lhothemi kutomo ighino kükümgha hoho shilu keu ghenguno Alhou shikimthi ani. Ighini keu hoho ghenguye Hiyam lono pekithi akeu dolo aphi ikemu kighithe asütsa pithi kile nike lakuju shi khe aghi penike piputo tsü ani.

  1. LIFE CAREER COUNSELING

2014 mpe lo Ghuthu kini aküpüghu hipau shilu. Yekala 10 lono Post Graduate phi akemi ghenguno eno akiniuno, phiqhive kemi eno akümla phu akemi Lothemiqo ghenguno. Itaghi ashe-azü shi aküpüghü hipaqo shinikeu jukuchho ani.

  1. TRUE LOVE WAITS (TLW) or Kuchou Kikimiye Khekile Cheni

Aküpüghü hipau lo Committee khaqhino akivishi mula ighilu ani eno NBCC qholo kütami nguno azüwu shi tokulu shi ighilu ani. WSBAK Lhothemi kutomo TLW ghili chilu eno ashoqhi luvea. Hiye NBCC dolo likhi kumono CBCNEI lo ghi ajekivi shi ighilu ani. Timi khijehi no Committee lo mla ighilu anikeno kümtsü shikimthi ani.

2015 nguno itaghi shikumto kithe wonike Committe hipaulo timi 7 ampe 3 ghenguno hitoi kishe luvea. Ino N. Suhuto Chishi, Youth Evangelist,Convenor. Youth Executive Comittee Member hipaqo:  i) Inoli Ahoni Huska ii) Inoli Toheli Kivigho iii) Ino Isak Zhimo iv) Ino Vishito Kiba v) Ino Holuvi Aye vi) Ino Kughai Zhimo

  1. CATCH THEM YOUNG SPORTS MINISTRY

2014 lo NBCC vechewo Catch them Young Crusade Dimapur District lo WSBAK, NPBCA, BYFD & CBYF kuqha no Lhothemi 5000 kutolo kuposhulu. 2015 mpe ghenguno ghi hitoi pekithi ani.

WSBAK  tsalaphi lo Ghileqhi 14-19 Catch Them Young Sports Ministry akeu ye pakütashi shimono pekithi kithe pesüno WSSA & AREA Sports gholo pughu küqha ve nikeu shi Executive Committee no pekithi luvea. Eno 2015 mpe ghenguno Area kiqi lono Youth Executive Committee lo akemi qono hitoi Member shi ani:

  1. Ino Alex Yeptho- Kuhuboto, Convenor
    TLW Seminar, April 16, 2016

    TLW Seminar, April 16, 2016

  2. Ino Phutoi Awomi- Aqahuto, Member
  3. Ino Ghukato Awomi-Aghunaqa , Member
  4. Ino Vishito Kiba- Niuland , Member
  5. Inoli Lhotoli Akheto- Dimapur , Member
  6. Inoli Kakheli Jekheto- Khaghaboto , Member
  7. Ino Holuvi Aye- Ato , Member
  8. Ino Alferd Aye- Sakipheto , Member
  9. Ino Kakugha Yeptho- Kuhuboto , Member

Aküpüghü hipau vechewo Sümi aghili jelilo amlo kütsümi eno akhoto shi Lhothemi qo sasü kuposhu eno Alhou tsa pe shikumto tsünike pughu ani.

  1. NBCC LEADERSHIP ON CYCAS (YOUTH)

Mozaqhi 20-21, 2015 NBCC no Kohima lono qokiphe tsükeu lo Associate Pastor Youth Ino Omega (Pimla B.A) & Ino Boqhito (Thahekhu B.A) pama no sülu. Qokiphe hipau ye akhoto shi Lhothemi Achineki lo wumo kemi eno Alhou mutha kemiqo lau kishino aghili jeli gholono Alhou tsa pesü küsajeni keno shika keu ke. WSBAK Lhothemi Phah ye hipaqo ghola pesu aghili jeli kupughu qo lo peküqha wonike jukuchho shi ani.

 

  1. PRAISE & WORSHIP COMMITTEE

Ishi tiqhelimi qono ale vechewo Alhou jukuvu shi akeu lo shikumto tsü ani keu ghenguno Committee kishe no mula acheni. Wovekeu lo timi kijehino mla ighivea keno kümtsü shikimthi ani. Itaghi 2015 lono huthuno mpe 3 ghenguno Youth Executive Committee lo akemi pesü hitoi Committee Member shi ani:

(i). Ino N. Suhuto Chishi, Youth Evangelist , Convenor  (ii). Rev. Ikuto Jimo (iii). Ino Atoshe Swu, Chairman (iv).Ino Akato Jimo  (v). Ino Isak G. Zhimomi (vi).Ino Akheto Yeptho, (vii). Ino Hojevi Kappo, Music Promoter.

  1. ASSOCIATE PASTOR YOUTH TRAINING

Akupughu hipau ye mpe atsütsü Lhothemi sakiphemi iqhi kumto eno shikumto keu shi kuholu acheni. Suphuqhi 5-7, 2015 lo ghi “Ishi Lhothemi Khhü akeu lo Sakiphe ghola” ipi keu no akimji shino qokiphe tsulu.

  1. WSBAK YOUTH SPECIAL SERVICE WITH OFFERING

WSBAK Council no pulohzah tsü no Lhothemi qo kuposhulu eno Ghüka laghi phusü lu penike pekithi tsu keu toi, Ghixuqhi 26, 2015 Tüghakhani inaqhe WSBAK kukuhou kümtsü lo LHOTHEMI AKIMCHI HOHO (Akumllagho Gholono) kuho lu vea. Akukuhou khijehino kuholu eno akumllagho pesü WSBAK hiyam lo tsüvea keno shikimthi ani. Akupughu kütauno vekhave momu chimive keu aghi pinamu alokümsü shi kighithe pekithi tsü penike shikimthi ani.

  1. MUSIC STAFF NOTATIONS & CONDUCTING SEMINAR

ASSOCIATE PASTOR YOUTH qo ghenguno Anihqhi (July)13-18, 2015 ale qokiphe kupughu hipau shini ye akeu kimji ye Lhothemi sakiphemi kumtsu pelo ale ghola akivishi ithino pututa kukuhou lo Lhothemi qophelu penike pughu ani. ASSOCIATE PASTOR YOUTH kumtsu ighi no alla shilu penike shikumto ani.

Youth Leadership Seminar, April 27, 2016

Youth Leadership Seminar, April 27, 2016

Asheho tsa:

Alhou shikimithi Lhothemi kupughu jeli tokulu shisü ighilu akeqo ghenguno. WSBAK Lhothemi Phah ye kishino Kulolau Lhothemi qo pelo ashi-aghungu xülo azüwu hawo masa keno inikhu, pugu-miji acheni. Tighenguno küpülümi kümtsü pelo tamono akükümsü kivi küsaje tsü eno thukuwupu ghenguno iniku tsü apenike shikimthi qhuiniju ani.

Rev. Ikuto Jimo

Secretary, Youth Deptt.

WSBAK