DEPARTMENT OF WOMEN MINISTRY

XÜGHILI

WSBAK Ampe Shekha hoho 1966 mpe Zhuikhü Baptist Akukuhou lono kuho ake lono aqo-ahono xathaluno Women Society ipi aje kunikeu shi xathalu. 1966-75 kutolo Women Society ipi aje kuno ampe shekha hoholo ahoho (service) lakhi ikhiphe tsüno Totimiqo pelo kuholu pe che. Totimi hoho aghimasave keu ye ashi aghungu lo totimiqo xaqhe eno shikumto anikeu ghenguno ke.

1976-78 loye aje kukideve no totimi kuposhukulu ipi peithaluve. Itaghi Lusaqhih 24, 1978 Xükiye Baptist Akukuhou lono Women Fellowship kuho ake lono aje kukideveno 1979-1980 kutolo Home Conference ipi aje kuho che. 1981 lono huthuno Women Conference ipi aje kukideve luveno Nihokhu Baptist Akukuhou lono Süpuqhih 11-13, 1983 lono WSBAK Women Conference atüghüu kuholu. Alaghi kutomo lono WSBAK Women Department thuwu akeu ithulu no Alhou shikimthi ani eno khunoqo WSBAK Women Department phuqhe ighitsü kemi kümtsü Ampeu Alhou no kümghatsü apeniu!

SAMARITAN HOME

Aküxü ghenguno lajupu no akimiji shi no totimi akiphi kihe phipesheve kemi lau qokiphe ajeli kütüta lono tsü cheni. Tailoring, baking, basket making, shoe making, paper bag making, fruit preservative eno Bible study hipaqo tsü cheni eno ampe lakhi ashe tove kelo sewing machine tsü no luthü küxü laghi iqüphe tsü cheni.

AKIGHINI KUMUQHO CHEBO (PRAYER BOILER ROOM)

Akighini kuthoküzü shino aghungu nhezu piji no lakhi no lakhi ghenguno Alhou pütsa  nikeu küpüghü.

DURRANO MOTHER SCHOOL

Aküpüghü hipau ye aza noqo pelo Alhou kimji lono aza shilu no akibo eno atianuli akivishi iqüphelu nikeu eno itaghi anipu kivi shino akimi sasü Alhou kimji lono tsaqütsalei xümasa keu küpüghü.

LAJUPU GHÜZÜ LAGHI (ASHA JOURNEY OF HOPE)

Hiye akhoto no totimi chipiu pükha phe tsü eno totimiqo akükümüsü küsü sü akemi lau lajupu kithe süghi tsü ni keu küpüghü.

HAIR FOR HOPE INDIA

Cancer patient qo asa 12 inch donation tsü ni keu küpüghü, aza, ilimi eno anga itimi 25 no asa donation tsü lu va eno itaghi tsü niye ani.